वैशाख १४ गतेदेखी २० गते सम्म साप्ताहिक : राशिफल

मेष (चु, चे, चो, ला, लि, लु, ले, लो, अ)

तपाईंका शत्रुहरूले गतिविधिमा नजर राख्नेछन्। तर, बोलीको प्रभावले रोकिएका कामहरू सजिलै अघि बढ्नेछन् र सफलता हात लाग्नेछ। बिहीबारपछि आफन्तबाटै विश्वासघातको पीडा हुनसक्छ, जसले मन अशान्त बनाउनेछ। पारिवारिक समस्याले समेत मन दुखाउन सक्छ।

बृष (इ, उ, ए, ओ, बा, बि, बु, बे, बो)

यस साता रमाइलो र उपलब्धिमूलक यात्राको अवसर आउनेछ। सोचाइ सकारात्मक र व्यावहारिक बन्नेछ। स्वास्थ्य राम्रो रहनेछ र आर्थिक लाभको सम्भावना पनि बलियो छ। ऋण–सापटीको लेनदेनमा सहजता रहनेछ। पारिवारिक जीवन सन्तोषजनक रहनेछ, यद्यपि साताको अन्त्यतिर सेयर बजारबाट त्यति फाइदा नहुन सक्छ।

मिथुन (का, कि, कु, घ, ङ, छ, के, को, ह)

घरपरिवार र छरछिमेकसँग मतभेद बढ्न सक्छ। परिश्रम गर्दा पनि अपेक्षित परिणाम नआउनाले निराश बन्न सक्नेछ। हाकिम, अभिभावक वा वरिष्ठसँग विवाद बढ्न सक्छ, त्यसैले धैर्य र संयमता आवश्यक छ। साताको अन्त्यमा धार्मिक यात्राको अवसर मिल्नेछ, जसले मनमा शान्ति ल्याउनेछ।

कर्कट (हि, हु, हे, हो, डा, डि, डु, डे, डो)

व्यावसायिक क्षेत्रमा सफलता मिल्नेछ र आर्थिक स्थिति सुदृढ रहनेछ। व्यापार तथा दैनिकी कार्यहरू सन्तोषजनक ढंगले सम्पन्न हुनेछन्। राजनीतिक र सामाजिक सक्रियता बढ्नेछ। धार्मिक यात्रा वा देवालय दर्शनको सम्भावना पनि देखिन्छ। वैदेशिक कार्यमा प्रगति हुनेछ।

सिंह (मा, मि, मु, मे, मो, टा, टि, टु, टे)

उत्साह र उमङ्गले भरिएको साता रहनेछ। व्यवसायिक तथा लामो दूरीको यात्राका लागि अनुकूल समय रहेको छ। सामाजिक प्रतिष्ठा र सम्मान प्राप्त हुनेछ। अधुरा कामहरू पूर्ण हुनेछन् र नयाँ धनआर्जनका अवसर देखा पर्नेछन्। सेयर बजारमा लगानीले राम्रो प्रतिफल दिनेछ। स्थानान्तरणको सम्भावना समेत देखिन्छ।

कन्या (टो, प, पि, पु, ष, ण, ठ, पे, पो)

साताको शुरुवाती प्रयत्नहरूले दीर्घकालीन लाभ दिलाउनेछन्। विचार र योजनालाई रचनात्मक बनाउँदा सफलता मिल्नेछ। नाम, प्रतिष्ठा र पुरस्कार प्राप्त गर्ने सम्भावना बलियो छ। आफ्नो कार्यकुशलताले अरूलाई मोहित बनाउन सकिनेछ। यद्यपि सामान हराउने वा चोरी हुने जोखिम भएकाले सतर्क रहनु उचित हुनेछ।

तुला (र, रि, रु, रे, रो, ता, ति, तु, ते)

लगानीको प्रतिफल कम हुनसक्ने भएकाले धैर्य अपनाउनु उत्तम हुनेछ। छरछिमेकसँग सानोतिनो असमझदारी हुन सक्छ। प्रतिस्पर्धामा हार स्वीकार्नुपर्ने स्थिति आउन सक्छ। बिहीबारपछि भने मंगलमय कार्यहरू हुनेछन्। प्रेम र मित्रताको बन्धन बलियो हुनेछ। सरुवा र बढुवाको योग पनि देखिन्छ।

वृश्चिक (तो, ना, नि, नु, ने, नो, या, यि, यु)

भाइबहिनी र सन्तानबाट सुखद समाचार प्राप्त हुनेछ। आर्थिक अवस्था सबल रहनेछ र व्यवसायमा गति आउनेछ। मायाप्रेमका लागि समय अनुकूल रहनेछ। पढाइमा पनि प्रगति हुनेछ। साताको अन्त्यमा आकस्मिक धन लाभको संकेत देखिन्छ।

धनु (ये, यो, भ, भि, भु, ध, फा, ढ, भे)

कृषिकर्म र प्राविधिक क्षेत्रमा विशेष सफलता मिल्नेछ। अभिभावकको आशीर्वादले ठूला कामको थालनी हुनेछ। नयाँ व्यवसाय वा परियोजनाको शुरुवात हुनेछ। मनोरञ्जन र स्वादिष्ट परिकारको आनन्द लिने अवसर पनि मिल्नेछ। साताको अन्त्यमा आकस्मिक धन प्राप्तिको संकेत छ।

मकर (भो, ज, जि, खि, खु, खे, खो, गा, गि)

सुख–सुविधाका लागि मन लालायित बन्नेछ। यद्यपि धार्मिक वा सामाजिक कार्यहरूमा सम्मान घट्नसक्छ, सतर्क रहनुहोस्। व्यस्तता बढ्नेछ र केही सामान हराउन सक्ने सम्भावना पनि देखिन्छ। पारिवारिक सहयोग मिल्नेछ। नयाँ ज्ञान र वैदेशिक अवसरहरू पाइनेछन्।

कुम्भ (गु, गे, गो, सा, सि, सु, से, सो, द)

रोकिएका घरायसी तथा सरकारी कामहरू सफलतापूर्वक सम्पन्न हुनेछन्। वैदेशिक सम्बन्ध र कार्य विस्तारमा राम्रो प्रगति हुनेछ। सामाजिक र धार्मिक काममा रुचि बढ्नेछ। आर्थिक लाभका नयाँ स्रोत फेला पर्नेछन्। साताको अन्त्यमा बोलीमा सावधानी अपनाउनु पर्नेछ।

मीन (दि, दु, थ, झ, ञ, दे, दो, च, चि)

रमाइलो भ्रमण र मनोरञ्जनको योग देखिन्छ। सुरुवातमा घरपरिवार र साथीभाइसँग मतभिन्नता भए पनि अन्त्यमा सम्बन्ध सुधारिनेछ। रमणीय यात्राको अवसर मिल्नेछ। जीवनसाथी वा आमाको सल्लाहअनुसार गरिएका कार्यमा सफलता प्राप्त हुनेछ। सामाजिक सम्बन्ध बलियो बन्नेछ र पठनपाठनमा देखिएका बाधा हट्नेछन्।