बाबु आमाको झगडाको क्रममा कुटपिट गर्दा चार महिने शिशुको मृत्यु भएको छ ।
पूर्वी नवलपरासीको बौदीकाली गाउँपालिका–२ अर्मलेका २१ वर्षीय दीपेन्द्र परियार र उनकी श्रीमती ३५ वर्षीया कमला परियार मादक पदार्थ सेवन गरेर सोमबार राति झगडा गर्दा कमला परियारले ४ महिनाको शिशुलाई ढुंगाले हानेर सख्त घाइते बनाएको प्रहरीको प्रारम्भिक अनुसन्धानमा खुलेको छ ।घाइते शिशुको उपचारका क्रममा पाल्पास्थित रामपुर अस्पतालमा मृत्यु भएको प्रहरीले जनाएको छ । जिल्ला प्रहरी कार्यालय पूर्वी नवलपरासीका डीएसपी मधु नेपालका अनुसार श्रीमान्, श्रीमती झगडा गर्दा शिशुलाई लछारपछार गरेको र ढुंगाले हानेपछि शिशु सख्त घाइते भएका थिए । घाइते शिशुलाई स्थानीय र हजुरबुबाले उपचारका लागि अस्पताल लगेका थिए ।घटनामा संलग्न श्रीमान्, श्रीमती घटना घटाएर फरार भएको र डेढगाउँ प्रहरीले नियन्त्रणमा लिएको थियो । बौदीकाली गाउँपालिका–२ का वडा अध्यक्ष श्यामसुन्दर श्रेष्ठका अनुसार माइत जानका लागि हिँडेकी कमला परियार र श्रीमान्बीच तनहुँको घिरिङ्ग गाउँपालिका–४ गापडाँडामा विवाद भएको बताए । कमलाका पहिलो श्रीमानतर्फ पनि दुई वटा सन्तान रहेको र उनी ट्याक्टर चलाउने पेसामा आवद्ध दीपेन्द्रसँग भागी विवाह गरेर आएको बताए । घटना घटेको स्थल तनहुँ भएको र आरोपीहरू नवलपुरको भएकाले तनहुँ प्रहरीलाई जिम्मा लगाएको छ ।
Discussion about this post