सलमान खानलाई मार्ने धम्की दिने व्यक्तिलाई प्रहरीले पक्राउ गरेको छ।
सलमानको लागि यो सन्देश वडोदरा नजिकैको एउटा गाउँबाट पठाइएको थियो। सन्देश पठाउने व्यक्ति २६ वर्षका छन्।
अप्रिल १४ मा उनले मुम्बईको वरली क्षेत्रमा रहेको यातायात विभागको आधिकारिक व्हाट्सएप नम्बरमा एउटा सन्देश पठाएका थिए, जसमा सलमान खानलाई उनको घरभित्र मारिने छ र उनको कारलाई बमले उडाइने छ भनेर लेखिएको थियो।
एएनआईको हालैको रिपोर्ट अनुसार सलमानलाई धम्की दिने व्यक्ति वडोदरा नजिकैको गाउँमा बस्ने २६ वर्षीय पुरुषको रूपमा पहिचान गरिएको छ। सुरुमा प्रहरीले समन पठाएको थियो र उनलाई २-३ दिनभित्र उपस्थित हुन आदेश दिएको थियो। तर, मुद्दाको गम्भीरतालाई ध्यानमा राख्दै उनलाई सोमबार नै पक्राउ गरिएको थियो।रिपोर्टका अनुसार अनुसन्धानबाट सन्देश पठाउने व्यक्तिको मानसिक अवस्था राम्रो नभएको पत्ता लागेको छ। परिवारले उनको उपचार भइरहेको दाबी गरेको छ। यो तथ्य पत्ता लगाउन प्रहरी अनुसन्धान जारी छ।
Discussion about this post