नेपालको कलाकारिता क्षेत्रमा दीपक र दीपाको जोडी सधैँ चर्चामा रहने गरेको छ। उनीहरूले लामो समय एकसाथ कलाकारिता क्षेत्रमा सहयात्रा गरेका छन्। धेरैले त उनीहरू पर्दामा मात्रै नभएर वास्तविक जीवनमा पनि सहयात्री हुन भन्ने बुझ्छन्। यो कुरालाई लिएर दुवैले पटकपटक सफाइ दिदैँ आएका छन्। उनी एक अर्कालाई असल साथी भन्दा माथि नभएको बताउँछन्।
आज नेपालसहित विश्वभर प्रणय दिवस अर्थात भ्यालेन्टाइन डे प्रेम साटासाट गरेर मनाइदैछ। यसबीच अभिनेत्री निर्देशक दीपाश्री निरौलाले अभिनेता दीपकराज गिरीलाई याद गरेकी छिन्।
भ्यालेन्टाइन डेको अवसरमा उनले इन्स्टाग्राममार्फत दीपकसँगको आफ्नो तस्बिर सेयर गर्दै ‘ह्याप्पी भ्यालेन्टाइन डे’ भन्दै लेखेकी छिन्। उनको पोस्टमा कमेन्ट गर्दै धेरैले थरी थरीका प्रतिकृया दिइरहेका छन्।
उपेन्द्र भट्ट लेख्छन्, ‘संसार बनाउने चाहिँ थाहा भएन, तर यसरी अर्काको बुढोको फोटो हालेर संसार हँसाउने चाहिँ हजुर हुनुभयो।’ दीपाको सो पोस्टमा अभिनेत्री एवं कार्यक्रम प्रस्तोता रीमा विश्वकर्माले पनि ‘ह्याप्पी भ्यालेन्टाइन डे’ भन्दै शुभकामना दिएकी छिन्।
Discussion about this post