अमेरिकाको मेरील्याण्डका एक पूर्व शिक्षिकालाई नाबालक विद्यार्थीसँग पटकपटक यौन सम्बन्ध कायम गरेको अभियोगमा ३० वर्षको जेल सजाय सुनाइएको छ। स्थानीय सञ्चारमाध्यका अनुसार ३२ वर्षीया मेलिसा कर्टिसले ३० वर्ष सजाय भुक्तान गर्नुपर्नेछ, जसमा १२ महिना निलम्बन र ५ वर्ष निगरानीमा बस्नुपर्नेछ।
आफ्नो रिहाईपछि, कर्टिसले २५ वर्षको लागि यौन अपराधीको रूपमा आफ्नो नाम दर्ता गराउनुपर्नेछ। सर्तको रूपमा, आफ्ना छोराछोरी बाहेक अन्य नाबालिगसँग कुरा गर्न अनुमति हुने छैन। उनले ७ नोभेम्बर, २०२३ मा प्रहरीसमक्ष उक्त अपराधका लागि आत्मसमर्पण गरेकी थिइन्। कर्टिसले छात्रमाथि यौन दुर्व्यवहार २०१५ को जनवरी र मे महिनाको बीचमा मोन्टगोमेरी काउन्टी क्षेत्रमा भएको थियो।
कर्टिसले आठ कक्षाका विद्यार्थीलाई रक्सी र गाँजा खुवाएर २० पटकभन्दा बढी यौनसम्पर्क गरेको प्रहरीले जनाएको छ। कर्टिस करिब दुई वर्ष लेकल्याण्ड्स पार्क सेन्टर स्कुलमा शिक्षिका थिइन्। अदालतको कागजातका अनुसार कर्टिस स्कूलपछि ती विद्यार्थीसँग एक्लै जान्थिन्।
छात्रको आरोपपछि प्रहरीले अक्टोबर २०२३ मा आफ्नो अनुसन्धान सुरु गरेको थियो। घटनाको अनुसन्धान गरिरहेका अधिकारीहरूले अपराधको समयमा विद्यार्थी १४ वर्षको र कर्टिस २२ वर्षको भएको बताएका छन्।
Discussion about this post