घरको यी दिशामा राख्नुहोस् लक्ष्मी माताको मूर्ति,कहिलै हुनेछैन धनको कमि !

हिन्दू शास्त्रहरूमा विभिन्न देवी-देवताहरूको पूजाका लागि धेरै नियमहरू बताइएको छ। सबैले मिलेर नियमित रुपमा भगवानको पूजा गर्ने घरमा सुख–समृद्धि वास हुने विश्वास रहेको छ।साथै, वास्तुशास्त्रमा घरको पूजा गर्ने स्थान र देवताहरूको मूर्तिहरूको दिशा र स्थानसँग सम्बन्धित केही नियमहरू उल्लेख गरिएको छ। वास्तु अनुसार घरको उत्तर दिशालाई देवी-देवताको स्थान मानिन्छ।

पूजास्थललाई देवी-देवताको मूर्तिले सजाएर विधिपूर्वक पूजा गर्नाले मानसिक शान्ति प्राप्त हुनुका साथै जीवनमा सकारात्मक ऊर्जाको वृद्धि हुने वास्तुविद्हरूको विश्वास छ। तर वास्तुशास्त्रका अनुसार यदि घरमा देवी-देवताको मूर्ति गलत दिशामा वा स्थानमा राखियो भने घरमा नकारात्मक ऊर्जाको संचार हुन थाल्छ र पूजा गर्दा उचित फल प्राप्त हुँदैन।

त्यसैले धनकी देवी लक्ष्मीको सिद्धिलाई सही दिशामा राखेमा जीवनमा ऐश्वर्य र सुख प्राप्त हुने विश्वास रहेको छ। आउनुहोस् जानौं वास्तु अनुसार घरमा लक्ष्मीको मूर्ति कहाँ राख्नु पर्छ।घरमा कहाँ राख्ने त माता लक्ष्मीको मूर्ति धेरैजसो घरमा लक्ष्मीको पूजा गर्ने ठाउँमा मूर्ति वा तस्विर राखेर पूजा गरिन्छ। तर धेरै पटक हामी मूर्ति स्थापना गर्दा दिशामा ध्यान दिदैनौं।

जसका कारण विधि अनुसार पूजा गरे पनि शुभ फल प्राप्त हुँदैन। यस्तो अवस्थामा वास्तुशास्त्र अनुसार घरको पूजास्थलमा भगवान गणेशको मूर्तिको दाहिनेतर्फ लक्ष्मीको मूर्ति वा तस्विर राख्नु उचित मानिन्छ।शास्त्रका अनुसार महिलाको स्थान पुरुषको देब्रेपट्टि हुन्छ तर लक्ष्मी भगवान गणेशकी माता हुन्। त्यसैले उनको मूर्ति भगवान गणेशको दाहिने तर्फबाट स्थापना गर्नुपर्छ।

यस बाहेक वास्तु अनुसार घरको उत्तर दिशामा प्रथम पूजा गर्ने गणेशको मूर्ति राख्नु शुभ मानिन्छ। अर्कोतर्फ घरमा सुख-समृद्धि कायम राख्नका लागि विशेषगरी गणपति जीको सिन्दूरी चित्रलाई निकै शुभ मानिन्छ।